敏妮Talk

退休生活唔代表要坐食山崩，退休人士仍然可以繼續為資產增值，就好似股神畢菲特咁，雖然年紀唔輕，但投資有道。股王 A成日話，股票投資係一項退休後仍然可以做嘅工作，而且股票獲利唔使交稅，又可以令腦筋靈活。

雖然話學懂股票投資，對退休人士係好事，但敏妮就遇到一個反面教材。話說朋友 F嘅爸爸已經退休，衣食住行日常生活使費都有孝順嘅朋友 F負責，世伯自己又有一筆積蓄，一啲都唔使為生活擔心，只係生活苦悶冇乜細藝。由於世伯數口好，所以朋友 F帶佢去相熟嘅經紀處，開咗個股票戶口，鼓勵佢學股票投資。相熟經紀可以幫手睇住世伯嘅投資，朋友 F就教世伯初學炒股，只專注認識一隻股票，學睇年報、通告、相關新聞，同隻股票嘅走勢。

初初學炒股，交學費難免，後嚟漸漸對隻股票有深啲嘅認識，世伯開始有收穫。去飲早茶時，同「茶友」傾吓股票心得，過吓日辰，成個人開朗晒。不過，有日經紀同朋友 F講，佢爸爸嘅注碼越嚟越大，等閒都投資幾十萬蚊。

用注碼控制風險

對一個已退休人士嚟講，投資一隻股票都幾十萬蚊，咪話唔高風險。朋友 F問敏妮係咪唔應該叫爸爸學炒股？股票投資本身並沒有問題，問題係世伯貪勝不知輸，冇學識控制注碼。周末敏妮特別跟朋友 F同世伯一齊飲早茶，敏妮同世伯講，「 F咁孝順，個個月都畀家用，世伯唔使為生活頻撲，炒股小注怡情就好，唔使咁博噃！話晒都係過吓日辰，考吓眼光啫！」世伯好明白事理，點頭接受咗敏妮意見，仲叫朋友 F同經紀講，如果日後買大咗，叫經紀唔怕提醒佢。

其實莫講話退休人士，即使係一般散戶，都應該以注碼控制風險，無謂有乜事時，自己轉唔到身嘛！

滙豐話要為迎接強積金半自由行做準備，敏妮以為滙豐會帶頭減價，點知捉錯路。不過他日真係發生積金受託人減價戰，相信應該會由規模大、市佔率高嘅受託人掀起，始終細規模嘅受託人，唔會用呢項做賣點。好似某間中小型受託人咁，旗下嘅股票基金，喺市況好嘅情況下，回報可以大幅拋離大規模嘅受託人，原因係規模越細越肯博，希望險中求勝。

轉受託人係後年嘅事，但轉 portfolio就事不宜遲。對於未試過轉積金投資組合嘅朋友，相信會覺得幾煩。問 10個朋友， 9個都唔知或者唔記得自己個密碼，要搵受託人問番，據知有啲受託人要成個禮拜先寄個 password俾客。落 order轉 portfolio，亦唔係間間受託人都幫你即刻轉。

敏妮朋友試過，想喺網上轉積金投資組合，佢已經事前問定受託人熱線有乜程序，位職員叫佢逐隻基金轉。朋友上到受託人網頁轉換積金嘅版面，按步驟轉完第一隻基金就㩒確認，跟手諗住轉第二隻，點知冇反應。
後來佢再問職員，先知係喺同一版面，轉完一隻再轉另一隻，轉晒先確認。由於佢已經確認，所以其餘想轉嘅基金，就要兩日之後，等之前個 order完成，先可以再落 order。朋友話，好彩個市後尾反彈，佢冇乜損失，先至冇咁揼心。

報紙財經版大字標題話調整恐快臨，係時候調整投資策略。個人投資組合裏面，最多人忽略應該係每月都要供款嘅強積金，原因可能係大家仲未有得自己揀積金受託人，覺得投資好被動。

積金受託人冇得揀，唔代表成份基金冇得揀，雖然強積金嘅投資理念係「平均成本法」，理財專家亦話，市況唔好，基金價格便宜時可買多啲基金單位，市況好時，所持嘅基金組合會水漲船高，但要提升回報，更好嘅做法當然係「低買高沽」。

兩個月仍算短線投資

投資市場變幻無常，之前曾經聽過一位理財專家講，家陣好多基金投資者嘅投資態度，都由長線變得相對短線，當然未至到好似股票咁，玩即日鮮，但對於投資基金嚟講，一、兩個月已經算短。

更改積金投資組合，原理同投資股票換馬分別不大，就好似近排港股暢旺，股票基金 7月份投資平均增長 9.61%，跑贏其他成份基金，但一旦大市調整，會影響股票基金嘅投資表現，如及時贖回基金單位，換馬去其他同股票基金表現相反嘅成份基金，好似債券基金或者貨幣基金，就可以鎖定回報。

如果驚轉咗投資組合會錯過低吸良機，大可採用互補策略。就以敏妮為例，由於投資屬進取型，投資組合幾乎全部係股票基金，咁嘅話，可以將已供嘅股票基金贖回，轉去穩陣嘅基金類型，至於每月新供嘅，就繼續買股票基金。

遇到一直跌市，雖然基金單位會越買越平，數量越買越多，但真係一沉不起，揸住嘅都係蟹貨。

同事轉寄咗個朋友嘅難題叫敏妮睇吓有乜建議，呢位朋友廿來歲，佢爸爸月入萬幾蚊，媽媽係主婦，細妹讀緊書。據呢位朋友講，除咗爸爸會畀家用，佢每個月都畀 3500蚊屋企，一家人生活費只係啱啱夠用。
呢位朋友對未來好有預算，佢話細妹畢業出嚟工作，假設都好似佢咁每個月畀 3500蚊家用，加埋爸爸嘅收入，屋企整體收入應該好鬆動。問題係佢同妹妹結婚後，好難再畀家用屋企，如果爸爸退休，父母冇儲蓄，退休生活唔知點算。

收入月月清無閒錢儲蓄

首先敏妮唔知呢位朋友屋企每月使費？妹妹幾時出嚟做嘢？爸爸仲有幾耐退休？佢同妹妹仲有幾耐唔再可以供養父母？由於欠缺好多資料，好難畀到實際建議。
呢位朋友話，家陣單係佢同爸爸嘅收入都夠屋企用，妹妹日後提供嘅家用可以全數儲起。不過據佢估計，「鬆動」日子只得一兩年，就以佢妹妹畀 3500蚊家用全數儲起嚟計，假設 1年有 10厘回報，月儲 3500蚊，兩年計都係得 9.3萬蚊，莫講話父母退休生活顧唔到， 1年嘅使費都好緊絀。

父延遲退休　母做兼職助開源

好多財務顧問都會講，應該早啲開始理財計劃，因為越早開始，你就越輕鬆同越易達到目標。不過睇番呢個朋友嘅例子，有能力邊個唔想早開始。
敏妮覺得，凡事固然要盡力而為，但更要懂得面對現實。可以嘅話，爸爸延遲退休，妹妹可以自己照顧自己，由佢負責部份家務，媽媽做兼職增加家庭收入，呢啲都係辦法。當然如果呢位朋友中咗六合彩，一切會易啲解決，可惜一般人似乎唔係咁易遇到有錢喺天跌落嚟嘅幸運！中國有一句俗語「馬死落地行」，與其呻冇辦法，不如積極面對。

呢 幾 日 報 章 頭 條 都 係 旺 角 嘉 禾 大 廈 五 級 大 火 ， 殉 職 消 防 員 報 道 ， 公 務 員 隊 伍 當 中 ， 敏 妮 最 尊 敬 就 係 消 防 員 ， 試 諗 有 邊 項 工 作 ， 每 次 出 動 都 係 要 搵 命 博 ， 用 自 己 生 命 去 救 人 生 命 ， 所 以 如 果 公 僕 要 加 人 工 ， 提 出 係 消 防 員 ， 敏 妮 一 定 支 持 。
不 過 ， 噚 日 聽 個 同 事 講 ， 公 務 員 隊 伍 當 中 ， 消 防 員 人 工 最 奀 。 敏 妮 唔 係 好 信 ， 但 上 網 睇 過 紀 律 部 隊 中 ， 警 察 起 薪 點 係 有 16160 元 ， 至 於 消 防 員 就 只 係 得 14275 元 ， 當 中 差 距 ， 可 能 同 工 作 性 質 有 關 。

年 輕 人 先 儲 錢 後 投 資
講 開 人 工 ， 噚 日 睇 報 紙 ， 某 家 投 資 管 理 公 司 做 個 有 關 強 積 金 調 查 ， 內 容 大 致 係 話 ， 香 港 人 唔 係 好 識 充 份 利 用 強 積 金 達 到 個 人 退 休 目 標 ， 建 議 佢 應 該 善 用 強 積 金 自 願 供 款 。 對 敏 妮 講 ， 呢 調 查 都 係 好 有 目 的 ， 不 外 乎 推 廣 自 己 產 品 或 服 務 。
不 過 ， 從 另 一 個 角 度 睇 調 查 結 果 ， 可 能 會 見 到 唔 同 。 好 似 調 查 結 果 指 出 ， 年 齡 介 乎 20 至 29 歲 投 資 者 ， 儲 蓄 佔 投 資 組 合 比 重 好 大 ， 而 在 職 人 士 普 遍 就 會 投 資 股 票 、 物 業 同 壽 險 產 品 ， 調 查 結 論 係 ， 受 訪 者 表 現 趨 於 兩 極 ， 部 份 過 於 保 守 ， 部 份 就 太 進 取 。
其 實 呢 個 結 果 唔 難 理 解 ， 除 個 別 「 少 年 股 神 」 ， 廿 幾 歲 年 輕 人 ， 出 做 冇 耐 ， 莫 講 話 物 業 ， 就 係 買 手 豐 （ 005 ） 都 可 能 要 儲 錢 先 得 ， 點 可 以 咁 就 話 人 保 守 。
至 於 在 職 人 士 炒 股 置 業 買 保 險 ， 其 實 都 好 平 常 ， 所 以 調 查 結 論 話 兩 者 表 現 趨 於 兩 極 ， 敏 妮 就 有 保 留 。

增 加 自 願 供 款 唔 化 算
至 於 有 關 機 構 建 議 打 工 仔 減 少 儲 蓄 金 額 ， 同 及 早 開 始 自 願 供 款 ， 以 提 高 退 休 時 總 回 報 。 呢 個 建 議 一 半 聽 一 半 唔 同 意 。 減 少 儲 蓄 拎 去 投 資 ， 積 蓄 先 可 望 有 突 破 ， 但 有 得 揀 ， 相 信 好 多 人 都 唔 會 揀 供 強 積 金 ， 仲 叫 人 自 己 加 碼 ， 你 話 幾 唔 聽 呢 。
雖 然 自 願 供 款 唔 使 畀 認 購 費 同 可 以 免 費 轉 換 基 金 ， 但 強 積 金 投 資 選 擇 少 ， 最 重 要 係 管 理 費 、 行 政 費 等 使 費 高 。 年 輕 人 反 正 都 會 揀 股 票 基 金 供 ， 咁 不 如 直 接 供 股 票 或 者 股 票 基 金 ， 使 乜 要 透 過 自 願 供 款 做 ， 你 話 係 咪 ？