呢 個 復 活 節 假 期 ， 敏 妮 做 咗 一 件 以 前 從 未 做 過 嘅 嘢 ， 就 係 「 舉 袋 」 ， 即 係 拎 個 名 牌 手 袋 去 二 手 店 賣 ！
敏 妮 今 次 踏 出 歷 史 第 一 步 ， 唔 係 為 自 己 ， 而 係 為 手 帕 交 L ， 佢 本 身 唔 係 名 牌 奴 隸 ， 要 舉 袋 唔 係 等 錢 使 ， 只 係 有 啲 「 狂 蜂 浪 蝶 」 無 啦 啦 送 個 名 牌 袋 俾 佢 ， 拒 絕 又 冇 禮 貌 ， 自 用 又 唔 啱 ， 所 以 就 叫 敏 妮 一 齊 去 舉 咗 佢 ， 套 現 換 個 啱 用 嘅 手 袋 。
由 於 敏 妮 第 一 次 舉 袋 ， 所 以 冇 乜 經 驗 ， 嗰 位 店 長 問 敏 妮 ， 「 小 姐 ， 你 心 入 面 有 冇 諗 住 想 賣 乜 嘢 價 ？ 你 個 袋 好 似 之 前 做 過 半 價 ， 你 諗 住 賣 幾 多 錢 ？ 大 家 可 以 商 議 吓 。 」 原 來 舉 袋 都 要 做 market research ， 敏 妮 同 手 帕 交 L 都 唔 知 個 袋 原 價 幾 錢 ， 至 於 係 咪 好 似 位 店 長 講 ， 個 袋 之 前 曾 經 做 過 半 價 ， 就 更 加 冇 資 料 ， 但 敏 妮 相 信 ， 個 位 店 長 有 借 意 壓 價 之 嫌 。
店 長 提 供 咗 兩 個 選 擇 ， 一 係 即 時 攞 現 金 ， 一 係 留 低 個 袋 寄 賣 ， 後 者 價 錢 當 然 可 以 爭 取 高 啲 ， 但 無 論 賣 唔 賣 得 出 ， 店 舖 都 會 抽 番 標 價 嘅 一 成 做 佣 金 。 據 一 位 經 常 去 舉 袋 嘅 朋 友 講 ， 除 非 你 個 袋 好 搶 手 ， 否 則 一 兩 個 禮 拜 ， 店 長 就 會 打 電 話 叫 你 減 價 。
有 早 知 冇 乞 兒
敏 妮 同 手 帕 交 L 都 怕 麻 煩 ， 尤 其 手 帕 交 L 係 因 為 個 款 唔 啱 用 先 拎 去 舉 ， 所 以 深 信 個 袋 都 好 難 短 期 賣 出 ， 為 咗 唔 想 成 日 收 到 店 長 叫 減 價 嘅 電 話 ， 所 以 即 時 收 現 金 。
敏 妮 同 手 帕 交 L 之 後 都 冇 再 翻 查 個 袋 究 竟 值 幾 錢 ， 對 於 手 帕 交 L 嚟 講 ， 個 袋 放 喺 屋 企 幾 個 禮 拜 ， 原 封 不 動 ， 即 使 幾 值 錢 都 冇 用 ， 放 喺 屋 企 ， 連 屋 租 都 蝕 埋 ， 套 現 幾 千 蚊 仲 實 際 。 敏 妮 諗 起 滙 控 （ 005 ） 供 股 權 ， 雖 然 敏 妮 一 早 話 會 供 股 ， 噚 日 睇 見 滙 控 收 55.65 蚊 ， 行 使 供 股 權 唔 計 使 費 ， 每 股 賺 27.65 蚊 ， 敏 妮 應 該 好 高 興 ， 但 見 到 有 啲 朋 友 一 早 沽 咗 供 股 權 ， 家 陣 都 冇 唔 開 心 ， 對 於 佢 哋 嚟 講 ， 「 有 早 知 冇 乞 兒 」 ， 錢 袋 喺 自 己 袋 最 穩 陣 。
